22.09.2022 года ў ДУА “Ліпская сярэдняя школа” Ляхавіцкага раёна ў рамках інфармацыйна-адукацыйнага праекта “ШАГ – Школа Актыўнага Грамадзяніна” прайшло мерапрыемства для 8-11 класаў на тэму “Гонар за Беларусь. Актыўнае лета актыўнага грамадзяніна”.

Абмеркаванне дадзенай тэмы прайшло па двух інфармацыйных блоках: “Адзін маршрут – агульная памяць”, “Лета – час дзейнічаць: ад зарадкі да працоўных рэкордаў”.

Навучэнцы 10 класа закранулі тэму патрыятызму на аснове знаёмства з праектам «Цягнік памяці», вывучылі маршрут руху дадзенага поезда, пазнаёміліся з новай акцыяй «Крок да поспеху», спыніліся на аспектах выхавання і далучэння да працы ў летні перыяд з дапамогай арганізацыі моладзі ў студатрадах і другаснай занятасці, адпачынку ў летніх аздараўленчых працоўных лагерах.

Далей госць сустрэчы, Ніна Барысаўна Прыхач, начальнік аддзела ідэалагічнай работы, культуры і па справах моладзі Ляхавіцкага райвыканкама ўступіла ў адкрыты дыялог з навучэнцамі. Яна расказала пра магчымасці працаўладкавання моладзі ў Ляхавіцкім раёне і яго перспектывы развіцця.

У ходзе ШАГа 2 “Мы разважаем” старшакласнікі разважалі над словамі: “...асобасны поспех – гэта адно са складаемых паспяховага развіцця беларускай дзяржавы”.

У ходзе ШАГа 3 “Мы дзейнічаем” навучэнцы прыйшлі да высновы, што праца ў студэнцкім атрадзе, другаснай занятасці – гэта выдатны варыянт афіцыйнага заробку, магчымасць атрымаць бясцэнны вопыт у розных сферах і проста здабыць новых сяброў.

У рамках дадзенага этапу вучні склалі памяткі “Як правільна арганізаваць канікулы”. Таксама быў складзены спіс вучняў, якія жадаюць прыняць удзел у другаснай занятасці ў перыяд восеньскіх канікул.

ВЫБОР ЯЗЫКА

НОВОСТИ МИНИСТЕРСТВА ОБРАЗОВАНИЯ

СЧЕТЧИК ПОСЕЩЕНИЙ